New York Knicks e nisi mbarë Finalen e Madhe të Ligës NBA, duke triumfuar në ndeshjen e parë dhe atë në shtëpinë e San Antonio Spurs.
Skuadra metropolitane që kthehet në finale pas 27 vjetësh dhe që i mungon titulli për më shumë se një gjysmë shekulli, fitoi duelin e parë , me rezultat 105-95.
Ndeshja u vendos në çerekun e fundit, me rezultatin 29-19 në favor të mysafirëve, në një sfidë të ekuilibruar me Spurs, që udhëhoqën deri në shtatë pikë pas pjesës së parë. Në 12 minutat e fundit, erdhi përmbysja e mysafirëve, me avantazhin që arriti deri n plus 12 pikë.
Vendimtare në këtë fitore të bujshme të Knicks ishin edhe 30 pikët e Jalen Brunson, që janë vetëm tri fitore larg titullit të kampionit në NBA, pas 53 viteve.
Ai u ndihmua edhe nga Karl Anthony Towns me 18 pikë, Anunoby me 17 dhe Shamet me 13 pikë nga banka.
Kjo skuadër ka fituar 12 ndeshjet e fundit të Play-off-it dhe nuk humb prej 24 prillit.
Për San Antonion nuk mjaftuan 26 pikët e të zakonshmit Wembanyama, i cili së bashku me skuadrën e tij, duhet të gjejnë zgjidhje për të ndal New Yorkun në duelin e dytë të serisë finale.
