Në ditën e premtë ka filluar xhiro e 3-të e Superligës së Basketbollit kosovar.
Ndeshja e parë ishte në “Mizahir Isma” të Rahovecit që filloj të premten nga ora 19:00.
Trepça ka shënuar fitoren e tretë në këtë edicion nga tri ndeshjeve të zhvilluara, duke mundur Rahovecin si mysafire me rezultat 80:87 (14:26, 18:25, 27:26, 21:10).
Mitrovicasit e nisën ndeshjen në mënyrë fantastike me një seri prej 3:21, por më pas kishte një rënie, ku çereku i parë përfundon 14:26. Pas një fillimi të barabartë në periudhën e dytë, mysafirët u shkëputën në fund të kësaj pjese, duke thelluar edhe më shumë epërsinë, për të shkuar në pushim me rezultat 32:51.
Perioda e tretë ishte e barabartë, por sidoqoftë, ‘Xehetarët’ ruajtën epërsinë, për të mos lejuar përmbysjen e vendasve, ndërsa shifrat në semafor pas 30 minutash ishin 59:77. Në dhjetë minutat vendasit ishin më të mirë, por nuk mjaftoi dhe Trepça shënoi fitore 80:87, në xhiron e tretë të Superligës, kurse ‘Vreshtarët’ kanë një fitore e dy humbje.
Te Rahoveci u dalluan Chris Seeley me 19 pikë e dhjetë kërcime, Devin Johnson me 20 pikë dhe Musab Mala me 19, kurse te Trepça u dalluan Drilon Hajrizi me 18 pikë e dhjetë kërcime dhe Adam Grand e Mikaile Tmusiq me 15.
Në ditën e shtunë na pret ndjeshja në mes skuadrës së Sigal Prishtinës dhe Vllaznimit ku të dy skuadrat pritet të garojnë për të siguruar fitoren e dytë në Superligë.
Ndeshja fillon nga ora 17:00 në “Pallatin e Rinisë në Prishtinë”.
E në ditën e Dielë do të zhvillohen 2 ndeshje tejet interesante.
Ndeshja e parë zhvillohet nga ora 17:00 në “Karragaqi” të Pejës ku skuadra verdh e zinjë do të jetë nikoqire e kampionit në fuqi, skuadra pejane ka dy fitore nga dy ndeshjet kurse skuadra e Yllit ende nuk ka shijuar fitoren e parë në Supeligë.
E ndeshja e fundit në këtë xhiro është ajo e derbit lokal në mes Bashkimit dhe Ponte Prizrenit, ndeshja zhvillohet në “Sezai Suroi” me fillim të orës 19:00.