Sipas Fetoshit, Shtetet e Bashkuara të Amerikës në këtë formë mundohen ta mbyllin një rrugë të cilën Presidenti i Rusisë, Vladimir Putin, mund ta përdorë për interesa të veta.
“Intensifikimi i interesimit amerikan për ta përmbyllur marrëveshjen Kosovë – Serbi ka të bëjë pikërisht me luftën në Ukrainë. E ka për qëllim ta mbyllë një vatër potenciale të cilën Putin mund ta shfrytëzojë për interesat e veta. Prandaj, krerët tanë shtetëror nuk e përmendin fare urgjencën e përmbylljes së marrëveshjes me Serbinë. Ne duhet të jemi në unison të plotë me interesat strategjikë të Shteteve të Bashkuara të Amerikës. Unë jam i bindur që nuk mund të ketë marrëveshje pa “aminin” e SHBA-ve”, tha Fetoshi i ftuar në emisionin “Këndi i Debatit”.
Më tej, Fetoshi në Tëvë1 theksoi se çështja e dialogut Kosovë-Serbi mund të përmbyllet shumë shpejt në qoftë se ka “tërheqje të veshit” ndaj Vuçiqit në mënyrë serioze, pasi siç tha ai, ana e perëndimit ka pasur qasje ledhatuese ndaj tij./Tëvë1.info./
