PrizrenFest vjen me një super edicion këtë vit, me aktivitete nga më të veçantat për të gjitha grup moshat.
Nga data 21 deri me 28 korrik qyteti I Prizrenit do të gjallërohet me artistë nga e gjithë bota
Edicioni i IV-të i Festivalit Ndërkombëtar të Teatrit “Prizren Fest” hapet me datën 21 korrik 2025 në ora 21:00h me Performancën e Balletit -Produksion i Eno Peçi & Trupa e Baletit të Teatrit Kombëtar -Tirana/Shqipëria..
Edhe këtë vit, festivali sjell një program të pasur me:
Shfaqje teatrale nga Italia, Franca, Palestina, Anglia, Maqedonia e Veriut, Greqia, Bullgaria, Turqia, Shqipëria dhe Kosova.
Punëtori, konferenca dhe panele diskutimi mbi temat më aktuale të teatrit bashkëkohor dhe atij tradicional. Ndeja dhe mbrëmje kulturore në atmosferë magjike
Prizren Fest këtë vit zë vend në hapësira të ndryshme të qytetit si : Teatri mbi Lum,
Teatri “Bekim Fehmiu”, Katedralja Katolike e Zojës Ndihmëtare, Shtëpia e të Moshuarve “Jetimat e Ballkanit”, Amfiteatri – ITP, Burgu i Qytetit – Prizren, Lidhja e Prizrenit, Autostrada Biennale – Hangar – ITP, dhe Shkolla e Muzikës “Lorenc Antoni”, duke specifikuar tematikat më rëdësi sociale dhe një përfshirje aktive për të gjitha kategoritë e komunitetet, dhe kësisoj e ka vendosur Prizrenin si destinacion të rëndësishëm kulturor dhe turistik.
Risi në programin e larmishëm të shfaqjeve për fëmijë këtë vit, është shfaqja TRE nga Maqedonia e Veriut, e cila është shfaqja e parë profesionale për fëmijë në gjuhën e shenjave, për të shurdhërit dhe ata me dëgjim të dobët. Në shfaqje, aktorët performojnë njëkohësisht në gjuhën e folur dhe në gjuhën e shenjave. Është menduar për një audiencë të gjerë dhe gjithëpërfshirëse fëmijësh. Shfaqja ka një karakter didaktik në të cilin fëmijët bashkëveprojnë me aktorët dhe mësojnë alfabetin e gjuhës së shenjave.
