Shehnaze Salihu ka 9 vjet që jeton në Shtëpinë e të Moshuarve pa përkujdesje familjare.
Por, krahas ditëlindjes, Salihu ka pritur edhe festa të tjera në këtë shtëpi.
E me preferuara e saj është ajo e Bajramit.
Ajo thotë se ka pritur në këtë shtëpi 5-6 festa të Bajramit.
Salihu më tej rrëfen për harmoninë në këtë shtëpi.
“Po kush e feston, kush është e mërzitshur. Kur ki mërzija, shyqyr që ekziston kjo shtëpi, kur ki nevojë me u interesua dikush për ty, ki nevojë,ama mërzitemi qa me ba”
79 vjecarja thotë se për festë ndryshon edhe ushqimi që servohet nga kuzhina e Shtëpisë.
“Ka mish,ka qashtu ëmbëlsira, dallon, në netë të mëdhja, ditë Bajramit, dallohet më mirë përgadisin”
Megjithatë, Bajram i Fitrit, atë nuk e gjenë në mesin e bashkëmoshatarëve të saj.
Këtë herë do të festojë pranë motrës së saj në Kamenicë.
“Jo unë kam plan me shku te motra në Kamenicë e me bujt,e të nesërmen me shku në banjë të Kllokotit”
Për, Syzana Gërgurin nga Trepça festa e Bajramit, nuk do të jetë më asnjëherë e njejtë.
Pas vdekjes së bashkëshortit e vajzës 24-vjecare, ajo që 4 vjet është bërë banore e Shtëpisë së të moshuarve.
“PO mërzitem boll se unë vec atë vajzë e kom pas,mërzitna boll, po masi i kem këta e kena mirë”
Ajo kujton edhe kohën kur festonte së bashku me familjen.
“Çika ka përgatit më shumë ,unë veç gjellën,ajo ëmbëlsirat i ka përgatitur gjithë se veç na jemi kanë”
Për festa të veçanta, siç është ajo e Bajramit, Shtëpia e të Moshuarve kujdeset të sjellë për banorët në sofër sa më të begatshme.
“Në institucionin tonë në Shtëpinë e personave të Moshuar dhe pa përkujdesje familjare,përveç angazhimeve të përditshme dhe ofrimit të shërbimeve shumë cilësore në të gjithashërbimet, normal që i kushtojmë rëndësi edhe të gjitha festave edhe në këtë rast për festën e Bajramit, do të jetë një drekë më e begatshme, kemi të porositura edhe gjërat tjera përcjellëse, ëmbëlsirat, bakllavat, lëngjet, normal pemë e këto i kanë edhe herave të tjera,mirëpo do të ketë shtesë”
Aliçkaj, kujton një banorë i cili në një festë Bajrami kishte festuar ditëlindjen.
“Kemi pas një banor i cili past ndjesë nuk është më, ai e ka pasur ditëlindjen njëherë për festën e Bajramit, kështu që ka qenë edhe një diçka më e mirë më e bukur, kemi pas edhe vizitorë
disa të rinj i patën pru edhe disa dhurata, i patën sjellë edhe një ëmbëlsirë ekstra për ish-banorin ajo më kujtohet që ka qenë diçka më speciale më e veçantë”
Aliçkaj tregon se edhe në ditë festash banorët kanë të drejtë lëvizjeje tek farefisi,por duhet të marrin një fletë dëshmi se sa do të qëndrojnë.
Kronika e realizuar nga Linda Sejdiu
