Një qytetar nga Ferizaj ka raportuar në polici se ka qenë pre e një grabitjeje.
Sipas tij, përderisa po lëvizte me veturë persona të panjohur që ishin gjithashtu në një veturë tjetër, e kanë goditur atë.
Pasi që kanë zbritur, ai ka deklaruar se nën kërcënimin e AK-47, tre persona atij i kanë grabitur 770 euro.
“Viktima mashkull kosovar ka raportuar se derisa ka qenë duke u kthyer në shtëpi me veturë, fillimisht është goditur nga një veturë e më pas nga ajo veturë kanë dalë katër (4) të dyshuar, ku tre (3) prej tyre kanë qenë të armatosur me AK 47. Të dyshuarit viktimës ia kanë marrë shtatëqind e shtatëdhjetë (770) €. Në lidhje me rastin është konsultuar prokurori i shtetit, rasti vazhdon të hetohet”, thuhet në njoftimin e policisë.
