Skuadra e Ferizajt ka vazhduar me formën e mirë edhe në stinorin pranveror të Superligës së Kosovës në futboll, që nisi ditë më parë.
Në ndeshjen e parë të stinorit pranveror, Ferizaj fitoi në shtëpi ndaj Feronikelit ’74 me rezultatin e ngushtë 2:1 në kuadër të xhiros së 19-të.
Kjo është fitorja e 6-të e Ferizajt këtë sezon, e cila e ngrit në pozitën e 7-të në tabelë me 23 pikë të mbledhura.
Edon Sadriu e Betim Haxhimusa siguruan pikët e plota për Ferizajn me golat që i shënuan në pjesën e parë, ndërsa golin e vetëm për Feronikelin ’74, e realizoi Arlind Maloku në fund të takimit.
Feronikeli ’74 mbetet i fundit në tabelë me 10 pikë, pasi regjistroi humbjen e 13-të këtë sezon karshi dy fitoreve e e 4 barazimeve.
