Një 17 vjeçar i kërkuar në bazë të një urdhërese të lëshuar nga Gjykata Themelore në Ferizaj është arrestuar të mërkurën pasdite.
Sipas Policisë së Kosovës i dyshuari G.Xh ishte i dënuar me tre vite burgim për veprën penale “dhunim”.
Pas përfundimit të procedurave policore, bëhet e ditur se i njëjti është dërguar për vuajtjen e dënimit.
“Më datë 14 maj 2025, rreth orës 15:30, në rrugën “Fatmir Ratkoceri” në Ferizaj, Policia Rajonale ka lokalizuar dhe arrestuar një person të kërkuar nga gjykata. I arrestuari, G.Xh. (17 vjeç), ishte në kërkim në bazë të një urdhërese të lëshuar nga Gjykata Themelore në Ferizaj, për veprën penale “Dhunim”, për të cilën ishte dënuar me tre (3) vite burgim. Pas përfundimit të procedurave policore, ai është dërguar për vuajtjen e dënimit. Policia Rajonale e Ferizajt mbetet e përkushtuar në zbatimin e urdhëresave gjyqësore dhe forcimin e sundimit të ligjit”, thuhet në njoftim./teve1.info/
