Skuadra e Fenerbahçes nuk e ka ndërmend të heq dorë nga transferimi i sulmuesit të Kombëtares së Kosovës, Vedat Muriqi.
Bëhet e ditur se ekipi turk po insiston në transferimin e Muriqit në janar dhe është gati ta rrit ofertën për ta bindur Mallorcan në lirimin e tij.
Mallorca refuzoi javën e shkuar 10 milionë euro për Muriqin, ndërsa Fenerbahçe ka ngritur ofertën mbi 10 milionë për shërbimet e 30-vjeçarit.
Muriqi po pëlqehet shumë nga trajneri Jose Mourinho, i cili po e sheh si zëvendësim ideal për marokenin Youseff En-Nesyri që do të transferohet në Arabinë Saudite tek Al-Nassr për 40 milionë euro.
Muriqi ka kontratë me Mallorcan deri në vitin 2027 dhe këtë sezon ka 3 gola e 2 asistime në kampionat, ndërsa për Fenerbahçen ka luajtur përgjatë sezonit 2019/20.
