Mërgim Berisha është futbollist i ri i Augsburgut dhe kjo tanimë është zyrtare. Sulmuesi kosovar ishte i huazuar te skuadra gjermane nga Fenerbahce, me Augsburgun që kishte shpenzuar 300 mijë euro për huazimin e tij.
Augsburg kishte një klauzolë për ta blerë përfundimisht Berishën dhe e ka shfrytëzuar atë në fund të sezonit. Fenerbahce ka njoftuar zyrtarisht se Mërgim Berisha është transferuar te Augsburgu për shumën e katër milionë eurove.
Ndërkohë përpos Berishës një tjetër futbollist shqiptar është larguar nga gjiganti turk. Mbrojtësi anësor nga Maqedonia e Veriut, Ezgjan Alioski është larguar nga kjo skuadër pasi ishte i huazuar nga skuadra arabe Al-Ahli. Alioski rikthehet te skuadra arabe ku ka kontratë deri në qershor të vitit 2024.
