Fahri Fazliu, nipi i heronjve të luftës, thotë se ende nuk i dinë arsyet se pse është bastisur banesa e familjarëve të dëshmorëve Bahri e Fahri Fazliut.
Fazliu, në emisionin “Ditari” në Tëvë1, ka treguar se gjatë bastisjes janë marrë dokumente, telefonat e babai të tij dhe vëllait të vogël, si dhe një llaptop.
“Nuk na treguan për arsyet, sepse e patë edhe ju në media siç shkuan me veturat e tyre dhe nuk na dhanë asnjë informatë, apo diçka tjetër. Avokati ka qenë prezent tërë kohën. I është marrë telefoni babait tim, një llaptopë si dhe telefoni i vëllait tim të vogël, prej punës që e ka pas babai im ia kanë konfiskuar. Për diçka tjetër ne nuk dimë”, tha ai.
Ai tregoi se në momentin kur janë kthyer në banesë kanë parë fotografi të dëshmorëve në tokë.
“Ka pasur fotografi këtu nëpër tokë kur jemi ardhur, ka pasë fotografi të dëshmorëve Fahriut, Bahtirit të Afrimit, Fadilit, shumë fotografi të heronjve të luftës. Besoj i kanë marrë ato fotografi që tha edhe avokati se janë publike edhe janë në Facebook personal të secilit”, tregoi Fazliu.
Nipi i heronjve të luftës u shpreh se familja nuk ka thënë se ka pasur diçka specifike të bastiset.
“Nuk ka thënë familja që ka pas diçka specifike, ose që kanë kërkuar diçka specifike, për ato çka veç edhe ka njoftuar avokati, Adnan Çerkini”, tha ai.
Tutje, Fazliu tha se gjatë bastisjes nuk është intervistuar asnjë person i familjes.
Përfund, ai potencoi se banesa që është bastisur ka qenë baza e heronjve të luftës.
“Prej kësaj banese kanë dalë Afrim Zhitia dhe Fahri Fazliu që kanë luftuar në një betejë të pabarabartë me forcat serbe. Këtu ka ndenjur edhe dëshmori migja Bahri Fazliu, edhe shumë e shumë dëshmorë, gjithashtu të gjithë ata krerë që janë në Hagë kanë ardhur për vizitë në këtë familje. Sepse, këtu janë dy përvjetore të Bahriut dhe të Fazliut. Të gjithë këtu jemi mbledhur për të kujtuar kujtime heronjsh”, tha ai.
Gjykata Speciale e Hagës ka kryer sot bastisje në banesën e familjarëve të dëshmorëve Bahri e Fahri Fazliu, e njëjta banesë në kohën e luftës shërbente si bazë e Ushtrisë Çlirimtare të Kosovës. Bastisja përfundoi pas pesë orëve, ku Zyra e Prokurorit të Specializuar mori disa dokumente./teve1.info/
Prokuroria Speciale dhe EULEX po kryen bastisje në banesën e dëshmorëve Bahri e Fahri Fazliu
Vëllau i dëshmorëve Fazliu: Bastisja ishte e porositur, ka qenë bazë e luftës gjatë viteve 88-89
Çka është sekuestruar nga bastisja e EULEX-it tek familja Fazliu?
Dhomat e Specializuar në Hagë thonë se nuk kanë koment për bastisjen në familjen e dëshmorëve Fazliu
