Pjesëtarët e EULEX-it dhe Zyra e Prokurorit të Specializuar të Kosovës janë duke e bastisur banesën e familjarëve të heronjve, Fahri e Bahri Fazliu në Kodrën e Diellit në Prishtinë.
Lajmin e bëri të ditur Fahri F. Fazliu, i cili është familjari i dëshmorëve, shkruan teve1.info
“Do t’i përballojmë edhe kësaj fortune! Erërat lëkundin degët, por trungun jo”, ka shkruar ai.
Bastisja ka nisur në orët e mëngjesit dhe siç raporton gazetarja e Tëvë 1, Lendrina Kodrolli e cila gjendet në vendin e ngjarjes, bastisja është duke vazhduar në banesën e tyre në Breg të Diellit.
Aty po qëndron edhe avokati i familjes Artan Çerkini.
Teve1.info ka dërguar pyetje në adresë të Gjykatës Speciale dhe EULEX në lidhje me arsyen e kësaj bastisje, por deri më tani nuk ka pranuar përgjigje.
