Profesori Fatmir Çollaku vlerëson se gjashtë deputetët që dolën kundër zgjedhjes së Bekim Sejdiut president të Kosovës, i cili u propozuar nga LDK dhe VV janë nxituar dhe po i shkaktojnë vendit dëme të mëdha sa i përket formimit të institucioneve.
“Deputetët që dolën kundër zgjedhjes së presidentit mendoj se kanë gabuar. Ata është dashur që të konsultohen më shumë në mënyrë që të arrihet një marrëveshje. Nuk ka qenë momentumi për refuzim”, ka thënë Fatmir Çollaku në emisionin “Infonata” në Tëvë1.
Tutje, Çollaku vlerëson se LDK-ja tashmë është parti e përçarë.
“Zhvillimet e fundit kanë irrituar thellë palën e “rebelëve”. Ata janë figura të rëndësishme dhe profile të larta sepse janë profesorë e akademikë. Kjo çështje nuk mund të kalohet lehtë nga LDK, e cila është përçarë”, vlerësoi Fatmir Çollaku.
