Familja Syla nga Gjakova ka falë gjakun e të birit të tyre, Lordon Syla, i cili të dielën në mbrëmje humbi jetën në një aksident në autostradën “Ibrahim Rugova”.
Falja e gjakut u bë në ceremoninë e varrimit të 22- vjeçarit në fshatin Brehajë në Gjakovë.
Në aksidentin e së dielës kanë vdekur edhe dy persona të tjerë M.D dhe N.B, si dhe tre persona kanë mbetur të lënduar.
Ata ishin duke përcjellë një garë mes veturash që po zhvillohej në këtë autostradë, ku njëri nga të dyshuarit kishte humbur kontrollin mbi veturën.
Njëri nga tre personat që kanë mbetur të lënduar nga aksidenti i mbrëmshëm në Prizren është dërguar në Qendrën Klinike Universitare të Kosovës (QKUK)./teve1.info/