Eberechi Eze pritet t’i bashkohet Arsenalit për 60 milionë funte, pasi “revolveristët” kanë arritur marrëveshje për transferimin e sulmuesit nga Crystal Palace.
Burime të “BBC Sport” kanë bërë të ditur se Eze e ka pëlqyer më shumë kalimin tek Arsenali, skuadrën ku e nisi karrierën si i ri.
Edhe klubet janë pajtuar pas bisedimeve që zgjatën 10 ditë, por marrëveshja ende nuk është finalizuar.
Eze, i cili realizoi 14 gola në të gjitha garat e sezonit të kaluar, dëshiron që t’i bashkohet Arsenalit para 1 shtatorit, kur edhe mbyllet afati kalimtar veror.
Ai e realizoi golin e fitores 1:0 në finalen e Kupës FA ndaj Manchester Cityt. Eze iu bashkua Crystal Palacet nga QPR-ja për 19.5 milionë funte në vitin 2020.
Kontrata aktuale me Crystal Palacen skadon në verën e vitit 2027.
