Ukraina pavarësisht se e fitoi konkursin ajo nuk do ta presë Eurovizionin vitin e ardhshëm.
Bëhet e ditur se në bazë të diskutimeve festivali pritet të zhvendoset në Britani të Madhe.
Unioni Evropian i Transmetuesve (EBU) ka bërë të ditur të premten se ka nisur diskutimet me BBC-në për organizimin e “Eurovisionit” të vitit të ardhshëm në Britani të Madhe, ndonëse fituese e tij këtë vit ka qenë Ukraina.
Vendimi sipas njoftimit, thuhet të jetë marrë për shkak të vazhdimit të luftës në Ukrainë, pasi siç thuhet, nuk janë plotësuar garancitë e sigurisë dhe ato operacionale që kërkohen për të organizuar dhe prodhuar “Eurovisionin”.
