Zëvendësshefja e Misionit të Bashkimit Evropian për Sundimin e Ligjit në Kosovë (EULEX), Emily Rakhorst, ka zhvilluar të martën një takim me ministrin në detyrë të Punës, Familjes dhe Vlerave të Luftës Çlirimtare, Andin Hoti.
Sipas njoftimit zyrtar të EULEX-it, palët kanë diskutuar mënyrat për rritjen e angazhimit institucional në luftën kundër abuzimit seksual ndaj fëmijëve në Kosovë.
Rakhorst ka vlerësuar përkushtimin e institucioneve vendore në këtë fushë, duke theksuar rëndësinë e bashkëpunimit të vazhdueshëm për mbrojtjen e fëmijëve nga dhuna dhe abuzimi.
