Sulmuesi i Manchester City, Erling Haaland, ka gjetur rrugën e rrjetës në përballjen ndaj Arsenalit, në javën e pestë të Ligës Premier.
Ky gol ishte i 91-të në elitën e futbollit anglez, një shifër që e vendos atë krah legjendës norvegjeze, pra ish lojtarit të Manchester Unitedit Ole Gunnar Solskjaer.
Deri tani, Solskjaer mbante i vetëm rekordin si norvegjezi me më shumë gola në historinë e Ligës Premier.
Me këtë arritje, Haaland jo vetëm që ka barazuar rekordin e bashkëkombësit të tij, por ka treguar edhe një herë konsistencën e jashtëzakonshme para portës, duke forcuar statusin si një nga golashënuesit më të mëdhenj të brezit të ri.
Nëse vazhdon me këtë ritëm, është çështje kohe që Haaland të marrë kryesimin absolut dhe të shkruajë një faqe të re në historinë e futbollit norvegjez në Angli.
