Presidenti turk Rexhep Tajip Erdogan tha të dielën se kryeministri izraelit Benjamin Netanyahu po e bën diktatorin e ndjerë gjerman Adolf Hitlerin “xhelozë” me metodat e tij të “gjenocidit” në Rripin e Gazës.
Erdogan ka thënë se është e pamundur të shikohet ajo çfarë Izraeli po bënë në Gaza, duke vrarë civilë, fëmijë, bombarduar spitale dhe të dënojë njerëzit me uri.
“Çfarë bëri Hitleri në të kaluarën? Ai shtypi dhe vrau njerëz në kampet e përqendrimit”, tha Erdogan për gazetën greke Kathimerini në një intervistë.
Ai tha se njerëzit në Gaza ishin të shtypur me vite.
“A nuk u kthye Gaza në një burg të hapur jo vetëm pas 7 tetorit, por edhe vite më parë? A nuk ishin njerëzit atje për vite të tëra të dënuar me burime të kufizuara, pothuajse si një kamp përqendrimi? Kush është përgjegjës për vrasjet masive më brutale dhe sistematike në Gaza pas 7 tetorit?. Netanyahu ka arritur një nivel që do ta bënte Hitlerin xheloz me metodat e tij gjenocidale. Po flasim për Izraelin; që synon ambulancat, godet pikat e shpërndarjes së ushqimit dhe hap zjarr ndaj autokolonave të ndihmave”, tha ai.
Izraeli ka vrarë afro 35,000 palestinezë që nga një inkursion ndërkufitar i Hamasit më 7 tetor 2023, që mori 1,200 jetë.
Sulmi ka kthyer në rrënoja një pjesë të madhe të Gazës, përveçse ka shkaktuar uri dhe sëmundje të përhapura në enklavën e bllokuar që nga viti 2007./AA/
