Sulmuesi Emir Sahiti e ka humbur vendin te skuadra e Hamburgut, ku në dy ndeshjet e fundit në Bundesliga as nuk është ftuar.
Anësori kosovar nuk ka qenë pjesë e skuadrës në dy ndeshjet e fundit ndaj Heidenheim dhe Union Berlin, si dhe ishte vetëm në stol në përballjen ndaj Bayern Munichut.
Shkak i kësaj duket se është forma jo e mirë që po kalon Sahiti, me trajnerin Merlin Polzin që së fundmi konfirmoi se lojtari duhet të përmirësohet nëse dëshiron të rikthehet në skuadër.
