Portieri i Aston Villas, Emiliano Martinez thuhet se është i etur për një transferim te Manchester United këtë verë.
Trajneri i United, Ruben Amorim, po vlerëson opsionet e tij si portier dhe nuk e ka përjashtuar mundësinë e sjelljes së një portieri të ri numër 1, me Andre Onanën që ka tërhequr vëmendjen e Monacos.
Njëri nga emrat më të përfolur për një transferim në Old Trafford është argjentinasi i Aston Villas, Martinez.
Sipas mediumit The Sun, portieri argjentinas dëshiron me çdo kusht një transferim te Unitedi, duke e parë atë si një mundësi ëndrrash.
“Emi është shok i ngushtë me Lisandro Martinez dhe mezi pret t’i bashkohet Unitedit. Ai tashmë ka refuzuar oferta nga klubet kryesore me shpresën për ta bërë këtë lëvizje”, ka thënë një burim pranë argjentinasit.
Amorim, një admirues i tij prej kohësh, më parë u përpoq të nënshkruante me Martinezin për Sporting Lisbonën në vitin 2020.
Tani, ai është përqendruar në ndërtimin e një skuadre plot me liderë dhe e sheh Martinezin si një lojtar të përshtatshëm.
