Policia e Kosovës ka realizuar ekstradimin nga Franca në Kosovë të një personi i cili ishte në kërkim ndërkombëtar, pas kërkesës së Gjykatës Themelore në Ferizaj.
Sipas njoftimit zyrtar, ekstradimi është realizuar më 17 shtator 2026 nga Drejtoria për Bashkëpunim Ndërkombëtar Policor, në koordinim me njësitet relevante të Policisë së Kosovës dhe institucionet e drejtësisë.
Personi ishte shpallur në kërkim ndërkombëtar për veprën penale “mbajtja në pronësi, kontroll ose posedim të paautorizuar të armëve”.
Sipas Policisë, i njëjti ishte dënuar me katër vjet burgim.
Pas arritjes në Aeroportin Ndërkombëtar të Prishtinës, personi është shoqëruar nga zyrtarët e ILECU-t dhe më pas është dërguar në Qendrën e Paraburgimit në Hajvali, ku është dorëzuar për vuajtjen e dënimit./teve1.info/
