Kandidati për deputet i radhës së PDK-së, Drin Ejupi ka kritikuar Kuvendin e Kosovës, pasi sipas tij ka një përformancë të dobët.
I ftuar në emisionin “Ditari” në Tëvë1, Ejupi thotë se Kuvendi nuk ka arritur t`i miratojë edhe ligjet të cilat i ka planifikuar vet.
Po ashtu ai ka përmendur edhe mungesat e deputetëve në seanca ku thotë se kjo është nonsens.
Sipas Ejupit, Kosova ka arritur një progres të jashtëzakonshëm në periudhën e 99-të, ndërsa tani është në nivel që s`ka qenë më parë.
“Kuvendi i Kosovës është parë që ka përformancë të dobët, nuk arrin ta përmbush synimin që e ka, nuk arrin të kalojë ligjet e planifikuara vet. Te Kuvendi janë edhe mungesat, kemi një Kuvend totalisht të padisiplinuar, deputet që nuk shkojnë as në punë, kjo është vërtet nonsens. Kosova ka arritur një progres të jashtëzakonshëm në periudhën 99 e tutje, por natyrisht të gjitha punët nuk kanë mundur të kryhen e siç nuk do të kryhen asnjëherë, sepse koha prodhon nevoja të reja, mirëpo ajo që realizuar nga viti 1999 e deri më sot është një Kosovë që kurrë s`ka qenë në këto nivele dhe ka qenë ëndërr e të gjithëve. Krahasuar me rezultate paraprake kjo Qeveri është me rezultate të munguara, ato çka janë arritur janë pak të prekshme nga qytetarët. Natyrisht ne kemi kandidatë nga diaspora, kemi nga Gjermania, Zvicra, diaspora tani më është e përfaqësuar në garën politike dhe do të jetë e përfaqësuar edhe në Qeveri”, ka deklaruar Ejupi./teve1.info/
