Edhe një medalje tjetër nga Lojërat Mesdhetare “Oran 2022” do të hyjë në sirtarin e Kosovës. Xhudistet kanë Është Flaka Loxha ajo që ka fituar medaljen e bronztë në kategorinë deri 57 kilogramë.
Flaka ishte bartëse e tretë, ndërsa ditën e nisi keq. Humbi nga italiania Giulia Caggiano me Ippon. Dueli ishte çerekfinal dhe kështu Flaka e kishte rastin që përmes repesazhit të fitoi të bronztën. Dhe këtë e bëri.
Ajo u përgjigj me Ippon në luftën e dytë, duke e mposhtur spanjollen Maria Ruiz Muro. Për vend të tretë, Flaka Loxha u përball me turken Hasret Bozkurt, që ishte bartësja e pestë. Ndaj saj fitoi me hedhje në kohën shtesë. Lufta ishte e fortë, por Flaka shfaqi më shumë.
Për Flakën, 23-vjeçaren nga Peja, ky është prej sukseseve më të mëdha në karrierë. Ajo po fiton përvojën e duhur në nivelin e të rriturave. Vjet fitoi medalje të bronztë në Evropianin U23, ndërsa medalje të bronztë ka edhe në Evropianin e junioreve. Ka edhe suksese tjera te të rejat.
