Një aksident trafiku ka ndodhur të mërkurën rreth orës 16:45 në Mitrovicë të Veriut, ku një vajzë është lënduar pasi është goditur nga një veturë ndërsa ishte duke lëvizur me trotinet.
Sipas raportit të Policisë së Kosovës, vozitësi i veturës, dyshohet se nga pakujdesia ka goditur viktimën – një femër kosovare.
E lënduara është dërguar menjëherë në Spitalin e Mitrovicës, ku ka marrë trajtim mjekësor. Nuk raportohet për rrezik jete.
Me vendim të prokurorit, rasti do të trajtohet në procedurë të rregullt hetimore.
Policia ka nisur hetimet për të sqaruar rrethanat e aksidentit.
