Sulmuesi i Manchester United, Rasmus Hojlund, do të mbërrijë në Itali të dielën për t’iu nënshtruar testeve mjekësore me kampionët në fuqi të Serie A.
Napoli ka arritur një marrëveshje të plotë për të nënshkruar me lojtarin e kombëtares daneze Hojlund nga Manchester United, pavarësisht raportimeve për një interes nga RB Leipzig.
Sipas Football Italia, burime me njohuri të drejtpërdrejta për çështjen informojnë se ish-sulmuesi i Atalantës do të mbërrijë në Itali nesër (e diel), më 30 gusht, për t’iu nënshtruar ekzaminimeve mjekësore me Napolin dhe për të nënshkruar kontratën e tij.
Hojlund ka qenë gjithmonë objektivi kryesor i Napolit që nga dëmtimi i rëndë në kofshë i Romelu Lukaku në fillim të këtij muaji.
Marrëveshja midis dy klubeve është zyrtarizuar, kështu që lojtari tani pritet të fillojë një kapitull të ri të karrierës së tij në Itali.
Palët kanë arritur marrëveshja huazimi për 6 milionë euro me opsion blerjeje që do të bëhet e detyrueshme në kushte të caktuara me vlerë 44 milionë euro.
Hojlund tashmë ka luajtur në Serie A me Atalantën, duke shënuar dhjetë gola në 34 paraqitje në të gjitha garat me ‘La Dea’ në sezonin 2022-23.
22-vjeçari iu bashkua Manchester United në një marrëveshje prej 75 milionë eurosh në vitin 2023.
