Policia e Kosovës ka ndërhyrë pas një ankese të pranuar nga qytetarët lidhur me bllokimin e rrugës “Alush Kryeziu” në Prizren, i cili ishte shkaktuar nga organizatorët e një gazmendi familjar.
Rasti ka ndodhur më 6 gusht 2025, rreth orës 16:40, kur të dy shiritat e qarkullimit në këtë rrugë ishin të bllokuara plotësisht, duke penguar qarkullimin e lirë të automjeteve.
Njësiti patrullues i Stacionit Policor të Prizrenit ka dalë në vendin e ngjarjes dhe ka identifikuar personin përgjegjës, i cili kishte paraqitur një leje komunale për përdorim të njërës korsi dhe vetëm për kohëzgjatjen nga ora 09:30 deri 10:30 të mëngjesit.
Megjithatë, sipas Policisë, rruga ishte bllokuar në tërësi dhe jashtë orarit të lejuar. Si pasojë, ndaj organizatorit është shqiptuar një gjobë prej 300 euro, bazuar në legjislacionin në fuqi për shkelje të rendit në komunikacion.
Rruga është liruar menjëherë dhe qarkullimi i automjeteve është rikthyer në normalitet./teve1.info/
