Po mblidhen copëzat e fundit. Kjo është e gjitha çfarë ka mbetur nga një pikë statike e Policisë së Kosovës.
Me këtë rast edhe prezenca e Policisë së Kosovës, paraditen e së enjtes u shtua në këtë pjesë të qytetit.
Sipas Policisë, në këtë pikë statike kanë qëndruar herë pas here zyrtarë policor, po që në momentin e vënies së zjarrit, nuk ka pasur zyrtarë.
Kështu, sipas zëdhënësit të Policisë, Veton Elshani, ka pasur vetëm dëme materiale.
Elshani thotë se mjetet me të cilat dyshohet se është djegur vendqëndrimi i Policisë, janë mjete prioteknike.
Pikën statike tek Tre Rrokaqiejt në Mitrovicën e Veriut, një ditë më parë e kishte vizituar Kryeministri i Kosovës, Albin Kurti.
