Një person dyshohet se ka hyrë në ujë në Liqenin e Batllavës dhe më pas nuk është parë të dalë.
Kështu ka bërë të ditur për tëvë1.info zëdhënësi i policisë për rajonin e Prishtinës, Enis Pllana i cili tha se menjëherë pas pranimit të njoftimit janë angazhuar të gjitha njësitë relevante policore, si dhe ekipet e tjera të kërkim-shpëtimit, me qëllim të lokalizimit të personit.
Autoritetet bëjnë të ditur se operacioni i kërkimit dhe shpëtimit është ende në zhvillim, ndërsa për rastin pritet të ketë informacione shtesë pas përfundimit të aksionit.
“Rreth orës 13:00, Policia ka pranuar informatën se një person dyshohet se ka hyrë në ujë në Liqenin e Batllavës dhe më pas nuk është parë të dalë. Menjëherë pas pranimit të informatës, janë angazhuar të gjitha njësitë relevante policore, si dhe njësitë e tjera të kërkim-shpëtimit, me qëllim të lokalizimit të personit. Aktualisht, operacioni i kërkimit dhe shpëtimit është duke vazhduar”, ka thënë Pllana./teve1.info/
