Dy persona janë arrestuar në Ferizaj pasi dyshohen për trafikim me njerëz.
Policia ka njoftuar se rasti është raportuar të ketë ndodhur gjatë vitit 2024 deri në mars të këtij viti dhe të dyshuarit kanë trafikuar dhe transportuar katër gra me qëllim shfrytëzimin dhe përfitimin për vete.
“TRAFIKIM ME NJERËZ- Ferizaj / 2024-Mars 2025 – NN. Me 15.03.2025 janë arrestuar dy të dyshuar një mashkull dhe një femër kosovar -e nën dyshimin se të njëjtit në bashkëveprim kanë kryer veprën penale të lartëcekur ndaj katër viktimave femra kosovare duke kryer veprimtari të kundërligjshme dhe transportim e tyre me qëllim shfrytëzimi dhe përfitimi për veten e tyre. Dy të dyshuarit pas intervistimit me vendim të prokurorit janë dërguar në mbajtje, rasti në procedurë hetimore.
