Prokuroria Themelore në Prishtinë ka konfirmuar se ka angazhuar Policinë e Kosovës për grumbullim e fakteve lidhur me dyshimet për manipulim të votave me postë nga mërgata
Kjo është konfirmuar për Tëvë1 nga Prokuroria Themelore në Prishtinë.
“Lidhur me pyetjen tuaj të parashtruar ju njoftojmë, se Prokuroria Themelore në Prishtinë ka autorizuar Policinë e Kosovës për grumbullim të provave dhe informacionit por që në këtë fazë të procedurës nuk mund të ofrojmë informacione më të detajuara”, thuhet nga Prokuroria.
Për votat me postë nga mërgata për Lidhjen Demokratike të Kosovës ka pasur ankesa edhe nga Lëvizja Vetëvendosje.
Madje kjo parti ka kërkuar nga PZAP që të anulohet votat me postë, gjë e cila është refuzuar.
