Banorët e fshatit Llapnasellë të Grapanicës thotë se të mërkurën në mbrëmje i kanë gjetur pesë qenë të helmuar.
E nga ta vetëm një arriti të shpëtojë.
Njëra nga banoret e kësaj lagje që deshi të mos i zbulohet identiteti, e cila është kujdesur për ta thotë se kjo nuk është hera e parë që po ndodh një gjë e tillë.
“E kam vetëm një pyetje, për këta njerëzit përreth.Çfarë u duket të helmojnë një qeni të pafajshme?As ushqim, as ujë nuk u japin, kur i shohin i godasin dhe i gjuajnë, nuk i lënë rehat.As nuk kanë ngrënë a shqetësuar askënd (qentë).Sinqerisht nuk e di deri kur kështu?”, tha banorja e këtij fshati.
Për këtë rast ishte njoftuar edhe organizata jo qeveritare “Protect me Kosova”, të cilët janë shprehur se rastin e kanë paraqitur tashmë në policë.
“Shoqata jonë ka pranuar një mesazh shqetësues nga një vajzë e mitur, e cila ka dërguar video tronditëse ku shihen disa qenë të helmuar në mënyrë mizore në fshatin Llapnasellë. Sipas informacioneve të para, bëhet fjalë për rreth pesë qen të helmuar.Si shoqatë, kërkojmë menjëherë zbardhjen e rastit nga organet kompetente dhe ndëshkimin e autorëve. Rasti tashmë është paraqitur në polici dhe shpresojmë që këtë herë të ketë një epilog të drejtë”.
Televizioni ka tentuar të marr një përgjigje edhe nga policia në Prishtinë, po të njejtit nuk kanë kthyer përgjigje deri në publikimin e kronikës.
E sipas disa banorëve ky nuk është rasti i parë.
Raste të tilla kishin ndodhur edhe në fillim të muajit shtator.
Kronikë e realizuar nga gazetarja, Adea Mustafaj.
