Sudani po vuan nga kriza më e madhe humanitare globalisht dhe civilët vazhdojnë të paguajnë çmimin e mosveprimit të komunitetit ndërkombëtar, ka thënë OKB, ndërsa lufta civile në vend hyn në vitin e tretë.
Mbretëria e Bashkuar do të pres ministra nga 20 vende në Londër të martën në një përpjekje për të rifilluar bisedimet e ngecura të paqes . Megjithatë, përpjekjet diplomatike shpesh janë anashkaluar nga kriza të tjera, duke përfshirë luftërat në Ukrainë dhe Gaza.
Dy vjet pas ditës që kur shpërthyen luftimet në Khartoum midis ushtrisë sudaneze dhe Forcave të Mbështetjes së Shpejtë paraushtarake, pasojat për 51 milionë banorët e Sudanit kanë qenë shkatërruese, raporton The Guardian.
Dhjetëra mijëra janë raportuar të vdekur. Qindra mijëra përballen me urinë . Pothuajse 13 milionë njerëz janë zhvendosur.
“Sudani tani është më keq se kurrë më parë,” tha Elise Nalbandian, menaxherja rajonale e avokimit të Oxfam. “Kriza më e madhe humanitare, kriza më e madhe e zhvendosjes, kriza më e madhe e urisë… Është duke thyer të gjitha llojet e rekordeve të gabuara.”
Numri i fëmijëve që kanë nevojë për ndihmë humanitare është rritur, nga 7.8 milionë në fillim të vitit 2023 në mbi 15 milionë sot, tha të martën Fondi i OKB-së për Fëmijët (UNICEF).
Që nga fundi i javës së kaluar, RSF ka nisur sulme tokësore dhe ajrore mbi vetë El Fasher dhe kampet e zhvendosjes pranë Zamzam dhe Abu Shouk. Një zëdhënës i OKB-së i tha Agjencisë France-Presse se zyra e të drejtave të OKB-së kishte verifikuar 148 vrasje dhe kishte marrë raporte nga “burime të besueshme” se numri i përgjithshëm i të vdekurve i kalonte 400.
Në janar të këtij viti, SHBA deklaroi zyrtarisht se RSF kishte kryer gjenocid , duke shënuar herën e dytë në më pak se 30 vjet që ishte kryer gjenocidi në Sudan.
Emiratet e Bashkuara Arabe janë akuzuar se kanë nxitur konfliktin duke armatosur RSF-në, por ato kanë mohuar çdo përfshirje në luftë.
