Paulo Dybala është rikthyer në stërvitje te Roma pasi ka kaluar ethet dhe tashmë po punon veçmas për t’u rikthyer në formë të plotë.
Argjentinasi nuk u bashkua me grupin, por klubi mbetet optimist se ai do të jetë gati për ndeshjen e së dielës ndaj Cagliarit.
Ndërkohë, një tjetër problem ka dalë në skuadër: Tommaso Baldanzi është prekur nga gripi. Edhe pse gjendja e tij nuk duket serioze, ai pritet të vlerësohet nga stafi mjekësor në ditët në vijim.
Të dy sulmuesit besojnë se mund të jenë të gatshëm për sfidën në Unipol Domus, ku Roma kërkon reagim pas humbjes me Napolin.
Sa i përket formës së këtij sezoni, Dybala nuk ka nisur si pritej. Me vetëm një gol dhe një asist në nëntë ndeshje, pritjet e tifozëve kanë qenë shumë më të larta.
Megjithatë, klasi i tij lë shpresë se ai mund të rikthehet shpejt në nivelin që e karakterizon.
Roma ka një kalendar të ngjeshur. Pas transfertës në Cagliari më 7 dhjetor, skuadra e Gasperinit do të luajë në Europa League kundër Celtic më 11 dhjetor.
Më pas vijnë sfidat me Comon më 15 dhjetor, Juventusin më 20 dhjetor dhe Genoan më 29 dhjetor.
Menaxhimi i energjive do të jetë vendimtar ndërsa Giallorossët hyjnë në fundin e vitit.
