Ministria e Punëve të Brendshme të Shkupit ka bërë të ditur se pas një përleshjeje mes disa personave kanë mbetur të vrarë dy persona dhe një është lënduar.
Sipas MPB-së, personi i lënduar është dërguar për trajtim mjekësor në spital.
Ngjarja ka ndodhur në Çarshin e Shkupit.
Në njoftimin për media është bërë e ditur se po merren masa për zbardhjen e rastit, raporton Alsatmk.
“Më 06.03.2023 në ora 20:11 në SPB-Shkup është denoncuar se në një objekt hotelierik në Shkup disa persona kanë shtënë me armë ndaj J.K. dhe E.I. të cilët kanë nderuar jetë në vendngjarje si dhe ndaj A.T. i cili ka marrë lëndime dhe është dërguar në spital për t’i dhënë ndihmën mjekësore. Po merren masa për zbardhjen e rastit”, thuhet në njoftimin e MPB-së.
