Prej dy ditëve, Komuna e Klinës është duke u përballur me zjarre të shumta.
Disa fshatra të kësaj komune u përfshinë nga flaka.
E nga këto zjarre, dy shtëpi janë dëmtuar, si dhe stalla të bagëtive e ara me grurë.
Por sipas kryetari të Klinës, Zenun Elezaj aktualisht vetëm një vatër është aktive.
“Në të gjitha vatrat janë lokalizuar zjarret e aktive është vetëm vatra që është me madhja, pjesa që është ndërmjet, fshatrave, Siqevë, Dush, Resnikë,. Kjo është një zonë që ende po vazhdon të ketë zjarre. Është zonë e cila kryesisht shoqërohet me vështirësi për shkak se ka male dhe qasja e kamionëve është e vështirësuar prandaj duhet me çanta dhe me metoda të tjera të qasjes”, ka thënë Elezaj.
Elezaj tregon shkaktarët e mundshëm që dërguan deri në ndezjen e këtyre zjarreve.
“Sigurisht organet e drejtësisë, Policia do të del me raport, me gjasë ka edhe pakujdesi të qytetarëve por në disa raste edhe rrjeti elektrik shkaktar ashtu siç ish unë në tërën tërë ditën dhe mora informatën se në disa momente edhe rrjeti elektrik ka qenë shkaktar i shkëndijave për ndezjen e zjarrit”, është shprehur tutje Elezaj.
E për të pasivizuar zjarret jo vetëm në Komunën e Klinës por në tërë Kosovë, është aktizuar edhe KFOR-i, të cilët po asistojnë përmes helikopterëve.
“Gjatë një periudhe dyorëshe, ekipet përfunduan 18 hedhje uji, duke sjellë më shumë se 43.500 litra ujë në zonën e prekur. Përpjekje të tilla nxjerrin në pah aftësinë e reagimit të shpejtë të KFOR-it dhe përkushtimin e tij të palëkundur për të mbrojtur popullsinë lokale dhe për të ndihmuar autoritetet e emergjencave civile gjatë kohërave të krizës”, kka reaguar KFOR-i në rrejtin sociale Facebook.
Agjencia e Menaxhimit Emergjent, ka njoftuar se vetëm nga ora 14:00 deri në 20:00 të së dielës, janë raportuar gjithsej 80 vatra zjarri në territorin e Kosovës.
Sipas njoftimit, 35 prej tyre janë ende aktive, ndërsa 45 janë lokalizuar nga ekipet emergjente.
