Dy persona kanë mbetur të lënduar si pasojë e një aksidenti në rrugën “Ahmet Krasniqi” në Prishtinë.
Lajmi është bërë i ditur nga zëdhënësi i policisë për rajonin e Prishtinës, Enis Pllana i cili tha se aksidenti ka ndodhur mes dy veturave.
Tutje, Pllana theksoi se të lënduarit janë dërguar për tretman mjekësor, kurse me rastin po merret Trafiku i Kryeqytetit.
“Rreth orës 11:00 kemi pranuar informatën për një aksident trafiku me lëndime në rrugën Ahmet Krasniqi në Prishtinë. Në aksident janë përfshirë dy vetura. Sipas informatave fillestare, lëndime kanë pësuar dy persona, të cilët kanë pranuar tretman mjekësor. Me rastin po merret Trafiku i Kryeqytetit”, ka shtuar Pllana./teve1.info/
