Dy persona kanë mbetur të lënduar si pasojë e një aksidenti mes dy veturave në mesditën e sotme në rrugën magjistrale Ferizaj-Prishtinë, në fshatin Prelez.
Kështu ka bërë të ditur për tëvë1.info, zëdhënësi i policisë për rajonin e Ferizajt, Kanun Veseli, i cili tha se të lënduarit janë dërguar për ndihmë mjekësore.
Policia ka bërë të ditur se Njësia e Hetimeve të Aksidenteve ka dalë në vendin e ngjarjes dhe po heton rastin.
“Me datën 14.12.2024 rreth orës 14:50 kemi pranuar informatën se në rrugën magjistrale Ferizaj – Prishtinë, saktësisht në fshatin Prelez të Ferizajt është një aksident komunikacioni rrugor, ku janë përfshirë dy vetura me targa vendore dhe shoferë vendor. Veç dëmeve të shkaktuara materiale në vetura, lëndime trupore kanë pësuar dy shoferët, të cilët për ndihmë mjekësore janë dërguar në Qendrën Emergjente në Ferizaj. Njësia e Hetimeve të Aksidenteve ka dalë në vendin e ngjarjes për hetimin e aksidentit”, ka deklaruar ai./teve1.info/
