Punëtori Milit Daka, ishte duke punuar në hapësirat e kësaj fabrike kur pësoi lëndime të rënda trupore.
Ai u dërgua me urgjencë në Spitalin Rajonal të Prizrenit, por sipas autoriteteve mjekësore i njëjti kishte mbërritur pa shenja jete.
Për këtë rast, zëdhënësi i policisë i Prizren, Shaqir Bytyqi per Teve1 tregoi qe dy persona me vendim të prokurorit janë ndaluar për 48 orë.
“Sipas mjekëve në spitalin rajonal të Prizrenit viktima ka mbërri pa shenja jete dhe menjëherë janë informu gjitha njësitë përgjegjëse që merren me hetime në raste të tilla, njësia e forenzikës, forenzika e mjekësisë ligjore në Prishtinë si dhe prokurori të gjithë së bashku kanë dalë në vend ngjarjes edhe kanë mbledh provat dhe dëshmit si edhe dëshmitarët, nga vendi ngjarjes janë sekuestruar disa prova dhe janë intervistuar dy të dyshuar si edhe disa dëshmitarë pas intervistimit dy të dyshuarit me vendim të prokurorit janë ndaluar për 48 orë”.
Ndërsa të shtunën, në shtëpinë e tij në Prizren, familja dhe të afërmit janë mbledhur për t’i dhënë lamtumirën e fundit.
E njëri nga familjarët e të ndjerit, pas kamerave, tha se janë duke pritur për një raport zyrtar nga autoritetet për rastin.
Daka është varrosur pasditen e së shtunës në varrezat në fshatin Vërshec të Suharekës.
Televizioni ka tentuar të marrë edhe një qëndrim nga kompania “‘New Balkan’por të njëjtit nuk janë përgjigjur.
Kronikë e realizuar nga gazetarja, Jona Kelmendi.
