Të paktën dy persona kanë humbur jetën pasi një ndërtesë shtatëkatëshe në Stamboll të Turqisë u shemb pjesërisht, thanë zyrtarët.
Ekipet e emergjencës po përpiqeshin të arrinin te të paktën dy persona që besohej se ishin të bllokuar, thanë autoritetet të enjten, raporton Al Jazeera.
Shkaku i shembjes nuk u bë menjëherë i ditur dhe një hetim ishte duke u zhvilluar.
Stambolli dhe pjesë të tjera të Turqisë po kalojnë nëpër një program transformimi urban që synon të zëvendësojë ndërtesat e vjetra dhe të prirura ndaj tërmeteve me banesa më të sigurta.
