Dy meshkuj me shtetësi të Kosovës, në dy raste të ndryshme kanë shkaktuar dhunë fizike dhe psikike tri grave, raporton teve1.info
Sipas njoftimit të Policisë së Kosovës, në rastin e parë është arrestuar një mashkull pasi ka shkaktuar dhunë psikike ndaj dy femrave.
“Gjakovë 27.02.2023-07:30. Është arrestuar i dyshuari mashkull kosovar pasi që i njëjti ka shkaktuar dhunë psikike ndaj dy viktimave femra kosovare. Me vendim të prokurorit, i dyshuari është dërguar në mbajtje”, thuhet në njoftimin e Policisë.
Ndërsa në rastin e dytë, një mashkull është arrestuar dhe më pas liruar në procedurë të rregullt, pasi e kishte sulmuar fizikisht një femër.
Viktima është dërguar në strehimore kurse i dyshuari është liruar në procedurë të rregullt.
“Gjakovë 27.02.2023-18:20. Është arrestuar i dyshuari mashkull kosovar pasi i njëjti kishte sulmuar fizikisht viktimën femër. Lidhur me rastin viktima është dërguar në strehimore, ndërsa me vendim të prokurorit, i dyshuari është liruar dhe rasti vazhdon në procedurë të rregullt”, thuhet në njoftimin e Policisë.
