KF Llapi e ka nisur me barazim fazën e miqësoreve në Antalya të Turqisë, atje ku skuadra po zhvillon fazën përgatitore për sezonin pranveror.
Skuadra e Tahir Batatinës, luajti 2:2 përballë gjigantit ukrainas, FC Dynamo Kyiv.
Pavarësisht disavantazhit 2-0, ekipi llapjan arriti të rikthehet në lojë falë dy penalltive të realizuara nga sulmuesi Ardit Tahiri në minutat 60’ dhe 87’, të cilat u fituan pas ndërhyrjeve të palejuara ndaj Benjamin Eminit dhe Ahmed Januzit.
Futbollistët e Llapit shfaqën angazhim maksimal dhe patën një paraqitje fantastike në këtë përballje, duke treguar gatishmëri për sfidat e ardhshme.
Puna vazhdon dhe ekipin e presin edhe tri ndeshje të tjera miqësore në Antalya.
