Burime për ABC bëjnë të ditur se eksplozivi është vënë në lokalin në plazh në pronësi të reperit Rigels Rajku apo i njohur ndryshe si Noizy.
Nga shpërthimi në lokalin e Noizyt janë dëmtuar xhamat në të dy katet e ndërtesës. Fatmirësisht nga shpërthimi në lokalin e Noizyt nuk ka të lënduar, vetëm dëme materiale.
Kujtojmë se dy ditë më parë Noizy u përfshi në sherr me Kleviol Ahmetin (Cllevio Serbiano) .
Thuhet se sherri ka filluar pasi ky i fundit ka folur kundër reperit në rrjete sociale. Pas lirimit nga burgu, Klevio ka ofenduar sërish anëtarët e OTR.
Dje, ai ka vendosur që të shkojë tek lokali i Noizyt në Durrës por duket që kjo gjë nuk u prit mirë nga ky i fundit dhe e gjithë situata ka agravuar në përleshje. Dje janë publikuar dhe pamjet e plota, ku shihet Noizy së bashku me ish konkurrentin e “Për’puthen”, Geljan Rajku teksa rrahin me grushte Cllevion.
Ndërkaq, Policia në Shqipëri ka njoftuar në lidhje me shpërthimin.
Durrës/Informacion paraprak:
Më datë 08.06.2022, rreth orës 04:24, në lagjen Nr.13, në një ambient (butik rrobash) të marrë me qira nga shtetasi B.R., ka shpërthyer një sasi lënde eksplozive.
Si pasojë ka vetëm dëme materiale.
Grupi hetimor nën drejtimin e Prokurorisë vijon hetimet për zbardhjen e ngjarjes, identifikimin e kapjen e autorit/ve.
