Duraku ka thënë se i kanë dërguar Ministrisë së Arsimit kërkesë për ndihmë, por deri më tani nuk ka diçka konkrete.
“Ne kemi kontaktuar me Ministrinë e Arsimit, me drejtorin infrastrukturë dhe kemi dërguar kërkesa, por ende nuk kemi përgjigje me këtë rast. Realisht kontakt kemi pasur nga dita e parë, mirëpo ndihmë diçka konkrete nuk kemi nga Ministria e Arsimit deri më tani… Besoj që është afër 400 apo 500 mijë euro vlera e dëmeve në shkolla tona, pasi që është numri i konsiderueshëm i shkollave”, ka deklaruar ai në një lidhje direkte në emisionin “Ditari” në Tëvë1.
Duraku më tej thotë se ditët e humbura të mësimit do të zëvendësohen të shtunave.
“Ditët e humbura do t’i zëvendësojmë gjatë të shtunave, gjatë muajit shkurt dhe mars. Të gjitha orët do të zëvendësohen”, përfundoi ai. /Teve1.info/
