Kanë kaluar tri ditë prej kur infermieri, Enlirat Duraku po mban një grevë para Ministrisë së Shëndetësisë.
Duraku po vlerëson se ministri i Shëndetësisë, Arben Vitia këtë grevë po e sheh si luftë personale, meqenëse ai e ka kritikuar punën gjatë mandatit të tij.
Sipas infermierit, kritikat që ai ka pasur në drejtim të Vitisë, do të duhej të trajtoheshin si vlerë në përpjekje për mirëqenie të komunitetit të infermierëve.
“Duket se ministri Vitia është duke e trajtuar grevën time si luftë personale në kuptimin e asaj që e kam kritikuar për punën e tij gjatë mandatit të tij, në vend që ta trajtonte këtë vlerë, si interes apo përpjekje e përbashkët në fuqizimin e zbatimit të ligjeve dhe për mirëqenie të komunitetit të infermierëve”, ka thënë ai në emisionin “Ditari” në Tëvë 1.
E Durakut, 54 orët e urisë, ani pse i duken normale, atij po i sjellin telashe e dhimbje.
Ai ka njoftuar se grevën po e mban aq gjatë, sa qëndron Vitia në ministri.
“Është vështirë afër 54 orë grevë urie, është normale me pas telashe, sidomos dhimbje. Para ministrisë së shëndetësisë, shkoj para ministrit dhe kthehem në shtëpi, pasi del ministri për shtëpi” ka shtuar ai.
Duraku tash e një kohë ka adresuar dy kërkesa për këtë ministri. E para për infermierë, mami dhe profesionit tjerë shëndetësor po kërkon pagesë për orët shtesë, jashtë orarit dhe për ato të vikendeve, ndërsa e dyta kërkesë për një drejtori për infermierët e QKUK-së. Por, deri më tash nuk ka pasur ndonjë sinjal për realizimin e tyre. /teve1.info/
