Prishtina, Fushë-Kosova, Drenasi, Skenderaj, Vushtrria e Vitia e të tjera komuna ishin ndër të parat që morën vendim individual për të larguar nga përdorimi doracakët për edukatën seksuale dhe shëndetin riprodhues doracakta për mësimdhënësit e Kosovës, me të cilët u trajnuan mbi 2500 mësimdhënës .
E për këtë çështje, drejtori i Arsimit në Skenderaj, Kastriot Duraku ka thënë se ankesa për largimin nga përdorimi i doracakëve si lëndë zgjedhore ishte nga ana e prindërve.
Duraku thotë se i është dhënë mundësi MAShT-it që të reflektojë, t`i korrigjojë dhe t`i rikthejë përsëri për në përdorim doracakët.
“Kemi pasur shqetësime si nga ana e prindërve, drejtorëve të shkollave pastaj në takim me ta dhe në bashkëbisedim me ta duke i parë ankesat dhe shqetësimet e tyre, fatkeqësisht ne si Skenderaj s`kemi pasur lëndë zgjedhore të zgjedhur na mësimdhënësit, mirëpo nga frika dhe nga….ne morëm vendim bashkërisht me pjesën e kryetarit dhe drejtorëve të shkollave që këta doracakë t`i largojmë njëherë dhe të iu japim mundësi MASHT-it që të reflektojë, t`i korrigjojë dhe t`i rikthejë përsëri”, ka deklaruar ai.
Më tej, ai tha se në vitin 2021 të gjitha komunat kanë pranuar me kohë doracakët, ku kanë qenë të njoftuar nga MAShT-i për çdo informacion.
“Ka qenë ankesë e disa prindërve, pasi që disa prind nuk kanë pasur njohuri të mjaftueshme se kjo lëndë aplikohet në qytetin tonë, ne kemi njoftuar se nuk është aplikueshme nuk është e përzgjedhtë nga disa mësimdhënës tonë dhe pastaj ishte kërkesë e tyre që kjo lëndë ky doracakë të largohet nga përdorimi në qytetin tonë. Te të gjitha komunat kanë qenë njohuri, pasi që ne kemi pranuar në vitin 2021 , në atë kohë ka qenë drejtor tjetër në vendin tim, komunat i kanë pranuar me kohë këto doracakë, janë njoftuar për çdo informacion që del nga MAShT-i përmes emailave dhe formave zyrtare nga MAShT-i”, shtoi Duraku.
Madje, drejtori thotë se nuk ka pasur mësimdhënës që kanë dashur të aplikojnë këtë lëndë për momentin.
Ai thotë se disa mësimdhënës kur kanë parë anën përmbajtjesore dhe aktiviteteve që përfshihen për klasat e katërta kanë refuzuar që të marrin këtë lëndë.
“Nuk ka pasur mësimdhënës që kanë dashur të aplikojnë këtë lëndë për momentin, edhe pse disa kanë hezituar t`a marrin si lëndë mësimore, por kur e kanë parë anën e përmbajtjes së doracakëve dhe aktivitetet që përfshihen në ato, sidomos në aktivitetet e klasës së katërt kanë refuzuar që të marrin këtë lëndë edhe të shpjegojnë lëndën e edukatës seksuale. Kjo është pezulluar për një kohë të caktuar derisa MAShT-i të del me një vendim ose korrigjim të këtyre doracakëve”, ka theksuar ai në emisionin “Ditari”, në Tëvë1./teve1.info/
