Dukagjini i Klinës është ekipi i vetëm nga Kosova që garimin evropian e nis sonte dhe atë prej xhiros së dytë të Ligës së Konferencës.
Si fitues i Kupës së Kosovës në futboll, Dukagjini ka kaluar pa lojë raundin e parë kualifikues kurse në të dytin do të përballet me Luganon.
Ndeshja e parë, luhet në Zvicër me fillim nga ora 20:30 kurse Lugano vlerësohet favorit përballë skuadrës kosovare.
Për Dukagjinin, kjo është hera e dytë që paraqitet në garat e UEFA-s pas debutimit në sezonin 2023/24, në të cilin e kaloi raundin e parë kualifikues por u eliminua në të dytin të Ligës së Konferencës.
Synimi i Dukagjinit është që në ndeshjen e parë të sigurojë një rezultat të favorshëm, në mënyrë që në ndeshjen e kthimit, javën tjetër në Prishtinë ta kërkojë kualifikimin tutje.
