Ambasadori i Kosovës në Shtetet e Bashkuara të Amerikës, Ilir Dugolli, në një postim rrjetin social “X” ka thënë se pretendimet për persekutim në Kosovë janë jo vetëm të pabazuara, por edhe fyese.
Dugolli vlerëson se ato i shtojnë fyerjen padrejtësisë së shkaktuar dhe minojnë përpjekjet e sinqerta për një paqe të qëndrueshme.
“Në një kohë kur zyrtarë serbë promovojnë projektin e “Botës Serbe” dhe bëjnë thirrje për spastrime të reja etnike ndaj shqiptarëve, pretendimet për persekutim në Kosovë janë jo vetëm të pabazuara, por edhe fyese. Ato i shtojnë fyerjen padrejtësisë së shkaktuar dhe minojnë përpjekjet e sinqerta për një paqe të qëndrueshme”, ka shkruar Ilir Dugolli.
Ky reagim i Dugollit vjen pas deklaratave skandaloze ditëve të fundit nga Serbia.
Më 11 korrik 2026, ministrja serbe e Administrimit Publike dhe Vetëqeverisjes Lokale, Snezhana Paunoviq, deklaroi në një intervistë televizive se, po të kishte qenë në vendin e Slobodan Millosheviqit në vitin 1998, “do ta kishte spastruar etnikisht Kosovën nga shqiptarët”.
Deklarata u dënua gjerësisht në Kosovë e Paunoviq u shpall “non grata”.
Ndaj saj, ministrja e Drejtësisë në detyrë, Donika Gërvalla, ka dorëzuar kallëzim penal në Prokurorinë Speciale të Kosovës.
