Ndërkaq, Dugolli përmes një postimi në Facebook, ka bërë të ditur se ka paraqitur ankesë ndaj Këshillit të Etikës, teksa i ka cilësuar ata si joprofesional, jo të arsyeshëm dhe jo të drejtë.
“Dje Senati i Universiteti të Prishtinës, ka diskutuar në lidhje me vendimin e Këshillit të Etikës, ndaj të cilit kam paraqitur ankesë, duke e cilësuar si joprofesional, jo të arsyeshëm dhe jo të drejtë. Gjatë arsyetimit të paraqitur në Senat, kam shprehur të gjitha pikëpamjet e mia në lidhje me këtë vendim të cilin, kjo instancë vendimmarrëse e UP-së e hodhi poshtë si të tillë. Pretendimet se unë kam pranuar fajësinë, për pretendimet e ORCA-s, janë plotësisht të pa vërteta. Video e paautorizuar që shpërndanë ORCA, të shkëputur nga diskutim i gjatë, që synon të vërtetojë pretendimet e tyre, janë të pavërteta, por dëshmon se këto veprime janë pjesë e një fushate të gjerë dhe denigruese të ndërmarrë nga kjo organizatë”, ka shkruar Dugolli.
Gjithashtu, ai ka shkruar se Senati i Universitetit të Prishtinës edhe njëherë dëshmoi se ky institucion nuk i nënshtrohet ndikimeve nga jashtë dhe nuk përkrah vendime joprofesionale që bien ndesh me rregullativën ligjore në UP.
