Më tej, Dugolli tha se në momentin kur mblidhen provat e mjaftueshme, personat e përfshirë në këto sulme do të arrestohen.
“Po flitej që nuk do ketë arrestime tjera, mirëpo institucionet e Kosovës kanë identifikuar dhe janë duke kompletuar lëndët për persona të dyshuar që kanë qenë pjesë e sulmeve në veri. Të gjitha ata që kanë vepruar dhe ka prova të mjaftueshme që kanë shtënë mbi shtetin, mbi uniformat policore, zyrtarë e gazetarë, ata do të arrestohen. Nuk ka amnisti me njerëz që bien ndesh me ligjin”, theksoi Dugolli në emisionin “Këndi i Debatit” në tëvë1.
Gjithashtu, Dugolli vlerësoi se tani në këto kohë tensioni në veri, presidenti i Serbisë, Aleksandar Vuçiq, po e luan rolin e viktimës.
“Tani paramendojeni në çfarë situate kemi ardhur, tani të gjithë populli, duke përfshirë këtu edhe Bashkësinë Ndërkombëtare, i kemi sytë nga veriu i Mitrovicës, po ende po tolerohet një qëndrim i tillë i Vuçiqit i cili tani po luan rolin e viktimës”, shtoi më tej Dugolli.
Kujtojmë se para pak ditësh, Ministri i Punëve të Brendshme, Xhelal Sveçla ka njoftuar se janë arrestuar dy persona të dyshuar për sulme ndaj zyrtarëve policor në veri, teksa të dyshuarit janë të etnisë serbe, njëri prej tyre është ish-zyrtari policor, Dejan Pantiç./teve1.info/.
